खातामा एक करोड भेटिएपछि कांग्रेस नेतृ पक्राउ

• असोज २४, २०८३ | ८५ पटक पढिएको | सीमा संदेश

इजरायल जानेहरूलाई ठगी गरेको कसुरमा कांग्रेस नेतृ विनिता खड्का पक्राउ परेकी छिन्। केन्द्रीय अनुसन्धान ब्युरो(सिआइबी)ले उनलाई पक्राउ गरेको हो। रामेछाप घर भएकी उनी कांग्रेसको १५औँ महाधिवेशनमा केन्द्रीय सदस्यको उम्मेदवार थिइन् । 

यसअघि सिआइबीले रामेछापकै कांग्रेस नेता भरत चौलागाईं र दोलखाकी बालिका सिवाकोटीलाई पक्राउ गरी अनुसन्धान गरिरहेको छ । उनीहरूले प्रधानमन्त्रीका सल्लाहकारसँग सेटिङ मिलाएर इजरायल पठाइदिने भन्दै करिब पाँच करोड उठाएका थिए। त्यसमध्ये एक करोड नेतृ खड्काको खातामा भेटिएपछि उनलाई पक्राउ गरिएको सिआइबी स्रोत बताउँछ । यसमा अर्का एक व्यक्तिलाई पनि सिआइबीले पक्राउ गरेको छ ।