सप्तरीमा हात्तीको आक्रमणबाट एक महिलाको ज्यान गयो

• वैशाख २५, २०७७ | ४०९ पटक पढिएको |

हात्तीको आक्रमणबाट सप्तरीको शम्भुनाथ नगरपालिकाकी एक महिलाको ज्यान गएको छ ।

कोशी टप्पु वन्यजन्तु आरक्षबाट आएको हात्तीको समूहको आक्रमणबाट शम्भुनाथ नगरपालिका-२ को भलुवाही टोलकी ३८ वर्षीया महिला जानकी मगरको ज्यान गएको स्थानीय राजु जयसवालले बताउनुभयो । 

जानकीको शव परीक्षणका लागि राजविराजमा रहेको गजेन्द्रनारायण सिंह सगरमाथा अस्पताल ल्याइएको छ । जायसवालका अनुसार तीनवटा हात्तीको समूहले लक्ष्मण मण्डल र बलराम इशरको घर भत्काएको छ । 

दुई दिनअघि हात्तीको समूहले अग्निसाइर कृष्णसवरण गाउँपालिका-२ मा रहेको रामटोलका वीरेन्द्र राम, श्यामकुमार राम, लक्ष्मीदेवी राम र नारायण रामको घर तोडफोड गरेर खाद्यान्न खाई क्षति पुर्याएको थियो ।