कोरोनाको १० अर्ब यहाँ गयो (विवरणसहित)

• जेठ ३१, २०७७ | ३४२ पटक पढिएको | सीमा संदेश

सिरहा । सरकारले कोरोना भाइरस सङ्क्रमण रोकथाम तथा नियन्त्रणमा खर्च भएको आठ अर्ब ३९ करोड रुपियाँको विवरण सार्वजनिक गरेको छ ।

अर्थ मन्त्रालय स्रोतका अनुसार स्वास्थ्य तथा जनसङ्ख्या मन्त्रालयमार्फत स्वास्थ्य पूर्वाधार निर्माणमा मात्र ९८ करोड ५० हजार रुपियाँ खर्च भएको छ । यस्तै, औषधि र स्वास्थ्य सामग्री खरिदमा एक अर्ब ४९ करोड ७५ लाख ५० हजार, क्वारेन्टिन व्यवस्थापनमा चार करोड १९ लाख ९८ हजार र अन्य विविध खर्चका रूपमा १३ करोड चार लाख ३१ हजार रुपियाँ खर्च भएको जनाइएको छ ।

तीन महिनाको अवधिमा देशमा २० भन्दा बढी प्रयोगशाला सरकारले स्थापना गरिसकेको छ । भारतलगायत विभिन्न देशबाट आएका एक लाख ५८ हजार ५० जना नेपाली अहिले क्वारन्टिनमा रहेका छन् ।

 

(गोरखापत्रबाट)