सिरहामा बिना मास्कको हिड्ने १८ जना बुधवार पक्राउ

• असार २४, २०७७ | ५५६ पटक पढिएको | बैधनाथ कुमार यादब

सिरहा । बुधवार सिरहामा लकडाउनको नियम पालन नगरी बिना मास्क लगाई बाटोमा हिड्ने १८ जनालाई  प्रहरीले पक्राउ गरी करवाहीका लागि जिल्ला प्रशासन कार्यालय सिरहा पठाईएको जिल्ला प्रहरी कार्यालय सिरहाले जनाकरी दिईएको छ । 

विश्वब्यापी रूपमा फैलिएको कोरोना भाईरस (COVID-19) को संक्रमण तथा रोकथाम नियन्त्रणको लागी नेपाल सरकारद्धारा अत्यावश्यक काममा सवारी साधन वा पैदल हिड्दा अनिवार्य रुपमा माक्स लगाएर मात्र हिड्ने  र सामाजिक दुरीलाई पालन गरी कार्य गर्न जिल्ला प्रशासन कार्यालय सिरहाले सूचना मार्फ अनुरोध गरेको थियो । 

मंगलवार मात्र लकडाउन नियमलाई वेवास्ता गर्दै हिडिरहेको अबस्थामा ६४ जना व्यक्तीहरुलाई जिल्लाको बिभिन्न स्थानहरुबाट खटिएको प्रहरी टोलीले नियन्त्रणमा लिई  करवाहीका लागि जिल्ला प्रशसान कार्यालय सिरहा पठाईएको थियो। 

नियन्त्रणमा  लिईएकाहरुलाई संक्रमण रोग ऐन, २०२० अनुसार कार्बाहीको लागी जिल्ला प्रशासन कार्यालय सिरहाले प्रति व्यक्ति रु. १०० जरिवाना तिराई करवाही गरेको छ । हाल सम्म सिरहा जिल्लमा कुल ८२ जनालाई करवाही भएको छ ।