सवारी दुर्घटनामा परी एकको मृत्यु र एक घाईत

• साउन २०, २०७७ | ३३२ पटक पढिएको | सीमा संदेश

सिरहा । सिरहामा सवारी दुर्घटनामा परी एउटै मोटरसाईकलमा सवार एक जनाको मृत्यु र एक जना घाईते भएका छन । 

सिरहा कर्जन्हा नगरपालिका वडा नं. ४ बस्तीपुर स्थित पुर्व पश्चिम राजमार्गमा पश्चिमबाट पुर्वतर्फ जादै गरेको स.१त.७४०२ नं. को ट्याक्टर र बिपरित दिशाबाट आउदै गरेको .४ प.७२१०नं. को मोटरसाईकल एक आपसमा ठक्कर खाँदा दुर्घटना भएको हो ।

दुर्घटनामा परी मोटरसाईकल चालक सिरहा मिर्चैया नगरपालिका वडा नं. ३ बस्ने वर्ष २१ को देबिन्द्र यादव र सोही मोटरसाईकलमा पछाडी सवार जिल्ला धनुषा धनुषाधाम बस्ने वर्ष २३ को बालकृष्ण यादव दुबै जना घाईते भई उपचारको लागी फुलकुमारी मेमोरियल अस्पताल कर्जन्हा पठाईएकोमा मोटरसाईकल चालक देबिन्द्र यादवको अस्पताल लैजाने क्रममा मृत्यु भएको छ ।

सोही मोटरसाईकलमा पछाडी सवार बालकृष्ण यादवको टाउकोमा चोट अबस्था मध्यम, दुबै सवारी साधननियन्त्रणमा लिएको र ट्याक्टर चालक को खोजतलास कार्य भईरहेको जिल्ला प्रहरी कार्यालय सिरहाले जानकारी दिईएको छ ।