सिरहाको मिर्चैया नगरपालिका क्षेत्र १० दिनका लागि लकडाउन

साउन २१, २०७७ | ३२१ पटक पढिएको | बैधनाथ कुमार यादब

सिरहा । सिरहा जिल्लामा स्थानिय सरकारको निर्णय अनुसार पहिलो मिर्चैया नगरपालिका लकडाउन गरिएको छ । मिर्चैयामा नगरपालिकामा सम्भावित जोखिम रहेको क्षेत्रमा कन्टयाक्ट ट्रेसिंङ्गको काम सुरु भएको छ ।

मेयर श्रबण यादवले मिर्चैयामा रहेका एक हस्पिटल सन्चालकको दुई दाजु भाइ र एक जना अझैमा कोरोना पोजेटिभ देखिएपछि बिहिबार साउन २२ गते बिहान ६ बजे देखि साउन ३२ गते साझ ६ बजे सम्म १० दिनका लागि लकडाउन गरीएको नगरपालिका अध्यक्ष यादबले बताए । अहिले कन्टयाक्ट ट्रयासिँग गरी उनको सम्पर्कमा आएका व्यक्तिहरुको पहिचान गरी सबै जनाको स्वाब सँकलन गरी परीक्षण गरिने बताए ।

स्वास्थ्य शाखा, प्रशासन सम्मलित टोलीले कन्टयाक्ट ट्रयासिँगको कार्य सुरु गर्ने बताए । कन्टयाक्ट ट्रयासिँगपछि सम्पर्कमा आएका व्यक्तिहरुको पहिचान र अवस्था हेरेर त्यो क्षेत्रलाई सील गर्ने तयारी समेत गरेको उनले बताए । क्षेत्र सीलको लागि प्रावधान र कार्यक्षेत्र भएको भन्दै जुनसुकै बेला क्षेत्र सील गर्ने अवस्था नरहेको उनले बताए । मेयर यादबले, ‘अहिले शसस्त्र प्रहरी र नेपाल प्रहरि कडा निगरानी राखेको र उक्त निर्णय जिल्ला बिपद ब्यब्स्थापन समितिको सल्लाह अनुरुप गरीएको बताए ।

बिहीवार देखी मिर्चौया बजारमा अत्य आवश्यक सामाग्री बाहेक सबै पसल बन्द रहने छ । खाद्यय सामाग्रीसहितको पसलहरु बिहान १० बजे देखि दिउँसो १२ बजे सम्म मात्र खुला रहने सुचना मार्फ जानकारी गराएको छ ।