रौतहटमा गोली हानेर पुजारीको हत्या

• भदौ ४, २०७७ | ७५५ पटक पढिएको | सीमा संदेश

जनकपुरधाम । रौतहटमा एक युवकलाई घाँटी रेटेर हत्या भएको घटना सेलाउन नपाउँदै एक पुजारीको हत्या भएको छ ।
रौतहटको माधवनारायण नगरपालिका २ खेसरहियास्थित हनुमान मन्दिरका पुजारी श्रीराम साहको हत्या भएको हो ।

जिल्ला प्रहरी रौतहटका एसपी रविराज खडकाका अनुसार बुधवार राति करिब साढे ९ बजे उनलाई नजिकबाटै अज्ञात व्यक्तिले कन्चटमा गोली हानेर फरार भएका थिए ।

नियमित पूजा सकेर राति खाना खान बसेका पुजारी साहलाई अज्ञात व्यक्तिले नजिकैबाट कन्चटमा गोली हानेका थिए ।

बायाँ कन्चटमा गोली लागेका पुजारीको घटनास्थलमै मृत्यु भएको एसपी खड्काले जानकारी दिए ।

घटनाबारे अनुसन्धान भइरहेको उनको घनाई छ ।