औरही गाउँपालिकाले थाल्यो झुल र सेनिटाईजर वितरण अभियान

• भदौ ४, २०७७ | ४२१ पटक पढिएको | बैधनाथ कुमार यादब

सिरहा । कोरोना महामारीले जोखिम बढी रहेको अवस्थामा जनस्वास्थ्यलाई ध्यानमा राखेर औरही गाउँपालिकाले घरैपिच्छे २ थान सुपानेट झुल र १ थान सेनिटाईजर वितरण अभियान आरम्भ गरेका छन् । 

गाउँपालिकाका  ६ हजार ५ सय घरधुरीलाई लक्षित गरेर झुल तथा सेनिटाईजर वितरण गर्ने अभियानको आरम्भ गरिएको गाउँपालिका अध्यक्ष सिद्धार्थ यादवले बताए । अभियान औरहीको वडा नं. ४ खजनपुरबाट सुरु गरिएको छ। बढ्दो कोरोना संक्रमणसँगै लामखुट्टेको टोकाईले लाग्न सक्ने सम्भावित रोग नियन्त्रणका लागि झुल वितरण गर्ने अभियान चलाएको उनको भनाई छ । उनका अनुसार झुल वितरण गर्नुपर्ने गाउँकार्यपालिकामा कुरा उठेपछि त्यस प्रस्तावबारे विषेश छलफल गरी झुल वितरण थालिएको उनले थपे । संचारकर्मीको प्रश्नमा उनले भने,‘विपक्षीले थरि थरिका कुरा उडाउछ हामी त्यसको पछि नगएर जनहितका लागि काममा लागेका छौं  यादबले बताए । 

चेतना र समयको माग अनुसार व्यवहारमा परिवर्तन आउन नसक्दा संक्रमणजन्य रोग लाग्न सक्ने सम्भावना बढ्ने गरेका ४ न. वडाका वडाध्यक्ष उपेन्द्र यादवले बताए । उनका अनुसार लामखुट्टे टोकाईको जोखिम औरही गाउँपालिकाभरी रहेको र त्यसबाट बच्न उचित प्रबन्ध गर्न नसक्दा कतिपय व्यक्तिलाई स्वास्थ्यमा जोखिम देखा पर्ने गरेका छन। गाउँपालिकाबाट वितरण भइरहेको झुलको प्रभावले धेरै हदसम्म लामखुट्टेको टोकाईलाई कम गर्ने उनले दाबी गरे । 

गाउँकार्यपालिकाले निर्णय गरे अनुसार गाउँपालिकाको सम्पूर्ण घरधुरीका लागि ५३ लाख ६९ हजार १ ९५ रुपैयाँ लागतमा झुल खरिद गरिएको लेखा प्रमुख सुनिल कुमार यादवले बताए । उनका अनुसार प्रत्येक घरधुरीका लागि १ पिस साधारण र १ पिस सुपानेट झुल खरिद भएको छ । जनअपेक्षा र कार्यपालिकाको निर्णय अनुसार खरिद भएको झुल बाढी र कोरोनाको जनचेतनाको स्तर कमजोर रहेको असुरक्षित अवस्थाको प्रभावका कारण वडा–वडामा वितरण हुन नसक्दा कानूनी प्रक्रिया पु¥याई गाउँपालिका तथा वडाको स्टोरमा राखीएको लेखा यादबले बताए ।

कोरोना संक्रमणको जोखिमलाई ध्यानमा राखेर सामाजिक दुरी कामय गर्दै गाउँपालिकाले झुल वितरण गर्न लिएको लक्ष्यलाई पुरा गर्ने उनले बताएका हुन् ।