ढुंगा हानेर आमाको हत्या : बुवा गम्भीर घाइते, छोरा पक्राउ

• भदौ ७, २०७७ | ४६२ पटक पढिएको | सीमा संदेश

सर्लाही  । सर्लाहीमा एक युवकले आमाको हत्या गरेका छन् भने बुवालाई गम्भीर घाइते बनाएका छन् ।

सर्लाहीको लालबन्दी नगरपालिका–२ पुनर्वास टोल बस्ने ३२ वर्षीय राजबीर पासवानलाई शनिबार राति प्रहरीले आमाको हत्या गरेको अभियोगमा पक्राउ गरेको छ ।

पासवानले मादक पदार्थ सेवन गरी आफ्नै आमा ५० वर्षीया उर्मिला पासवान र बुवा ५५ वर्षीय उपेन्द्र पासवानलाई ढुंगा प्रहार गर्दा आमाको टाउकोमा चोट लागेर घटनास्थलमै मृत्यु भएको थियो ।

टाउकोमै चोट लागी गम्भीर घाइते भएका बाबु उपेन्द्रको मनिषा हेल्थ केयर नवलपुरमा उपचार भइरहेको छ । घटनाको खबर प्राप्त भएपछि ईलाका प्रहरी कार्यालय नवलपुर र ईलाका प्रहरी कार्यालय लालबन्दीबाट खटिएको प्रहरीले राजबीरलाई पक्राउ गरेको जनाइएको छ ।