ओरेक नेपालद्धारा सिरहा कारागारमा झुल र डिग्निटी किट वितरण

• असोज ९, २०७७ | ९४४ पटक पढिएको | बैधनाथ कुमार यादब

सिरहा । सामाजिक सेवा दिवसको अवसरमा सिरहा जिल्ला अधिकारी प्रदिपराज कडेंलको उपस्थितिमा  ओरेक नेपालद्धारा झुल र डिग्निटी किट सिरहा कारागार प्रमुख बबिता कुमारी महतोलाई कैदीबन्दीहरुलाई वितरणका लागि हस्तारण गरेको छ ।

कोभिड १९ का समयमा कारागारमा लामखुट्टेको समस्याको साथ साथै कैदीबन्दीहरुमा कोभिड १९ को संक्रमण पनि बिकराल रुपमा देखा परेको र त्यसबाट कारागारमा रहेको कैदीबन्दीहरुलाई विभिन्न रुपमा समस्या परेको हुदाँ  ३०० थान झुल र डिग्निटी किट उपलब्ध गराएको हो ।

डिग्निटी किट भित्र  नहाउने साबुन २ थान, लुगा धुने साबुन ३ थान, काइयो १ थान, नेल कट्टर १ थान, ब्रस १ थान, पेष्ट १ थान, रबर १ थान, प्याड १ थान, गम्छा १ थान र पेन्टी २ थान सामाग्री रहेको थियो ।