गाँजा बोकेको ट्याक्टर सहित दुई पक्राउ

• कार्तिक ३, २०७७ | ७१५ पटक पढिएको | बैधनाथ कुमार यादब

सिरहा । सिरहा प्रहरीले ठूलो परीमाणमा प्रतिवन्धित लागुऔषध गाँजा, गाँजा बोकेको ट्याक्टर सहित दुईजनालाई नियन्त्रणमा लिएको छ ।

ईलाका प्रहरी कार्यालय मिर्चैयाले चेक जाँचको क्रममा मिर्चैया नपा १ मनहर्वाबाट आईतबार मध्येराती एक सय केजी प्रतिवन्धित लागुऔषध गाँजा, गाँजा बोकेको ना. ५ त १४ नम्वरको ट्याक्टर सहित चालक र सहचालक स्थानीय १९ वर्षिय सुन्दर कापर र २६ वर्षिय जितेन्द्र कामपरलाई नियन्त्रणमा लिएको हो ।

दशैं तिहार विशेष सुरक्षा योजना अनुसार एम्वुस डिउटीमा रहेका प्रहरीले भित्री सडक खण्डमा उत्तरबाट दक्षिणतर्फ गईरहेको ट्याक्टर चेकजाँच गर्ने क्रममा ठूलो ५ र सानो २ वटा प्लाष्टिकको पोकामा रहेको गाँजा बरामद गरेको जिल्ला प्रहरी कार्यालय सिरहाका प्रबक्ता एवम् डिएसपी शालिग्राम पौडेलले जानकारी दिए ।

प्रहरीले उनीहरुको साथबाट २६ हजार भारतीय रुपैयाँ समेत बरामद गरेको छ । अहिलेसम्मको अनुसनधानबाट उनीहरुले आफै चुरेक्षेत्रबाट गाँजा खरिद गरेर ल्याएको बुझिएको जिल्ला प्रहरी कार्यालय सिरहालेजनाएको छ ।