सिरहा नगरपालिकामा १७० के.जि.को बसहा वैलको मूर्ति स्थापना

• माघ १, २०७७ | १,४९८ पटक पढिएको | सीमा संदेश

सिरहा । सिरहा नगरपालिका वडा नं. ८ मा १ सय ७० के.जि. पितलको बसहा वैलको मूर्ति गौरेश्वर महादेव मन्दिरको प्रगांणमा स्थापन गरेको छ । वडा कार्यालयको बजेट बाट वडा अध्यक्ष नागेश्वर गोईतको पहलमा स्थापना गरिएको मूर्तिको उद्घाटन नगरपालिका मेयर असेश्वर प्रसाद यादबले विधिवत पूजा गरी गरेका छन ।

सर्वजनिक खुला ठाउँलाई पर्यटनका रुपमा व्यवस्थित बनाउन मूर्ति स्थापना गरिएको अध्यक्ष गोइतले बताउनु भयो । भगवान प्रति विश्वास र अस्था राखेका जनताका माग अनुसार वडाबाट कार्याक्रम राखि मूर्ति स्थापना गरिएको हो । यसले सामाजिक सांस्कृति र विभिन्न विकृती धार्मिक मर्यादाबाट नियन्त्रण हुने गोइतको विश्वास छ ।

मूर्ति उद्घाटन क्रममा बोल्दै सिरहा नगरपालिका मेयरले भने, नगरपालिका भौतिक विकास साथ साथै यस्ता धार्मिक पर्यटन विकासको नारा अनुसार कार्य गरिरहेको छ । सिरहामा इतिहासिक सलहेश मन्दिर, सारस्वार नाथ मन्दिर लगायतका विभिन्न धार्मिक स्थाललाई विकासका योजना पहिचान गरि पर्यटनका रुपमा विकास गर्ने कार्यमा लागिरहेको बताए । यस्ता सार्वजनकि ठाउँहरुलाई सुरक्षित बनाउन वडावासीहरुले लाग्नु पर्ने आवश्यकता रहेको छ । नगरपालिकाको विभिन्न क्षेत्रगत विकासमा कार्य गर्न नगरपालिका प्रतिवद्ध रहेको यादबले बताउनु भयो ।