केन्द्रियकृत व्यवस्था प्रभावका करण बेरुजु बढदै : प्रमुख प्रशासकीय अधिकृत यादब

• असोज ८, २०७८ | १,१८१ पटक पढिएको | बैधनाथ कुमार यादब

सिरहा । सिरहा नगरपालिकाको गत आ.व.२०७६÷०७७ को असुल उपर गर्नुपर्ने बेरुजु रु.१४ लाख ४५ हजार ४ सय ९६ मात्र रहेको छ ।

लेखापरिक्षण प्रारम्भिक प्रतिवेदन अनुसार देखिएको बेरुजु रु. २१ करोड ५१ लाख ४५ हजार २ सय ७३ मध्ये विद्यालयको अनुदान पेश्की बाँकी रकम रु. १६ करोड ४७ लाख ७७ हजार ५ सय ५४ रहेको छ । यसमा बाँकी रु.४ करोड ८९ लाख २२ हजार २ सय २३ सैद्धान्तीक तथा नीतिगत बेरुजु रहेको सिरहा नगरपालिका प्रमुख प्रशासकीय अधिकृत बलिराम यादबले बताउनु भयो ।

प्रमुख यादबले भने, बेरुजु भनेको भ्रष्टाचार होइन् । यो सैद्धान्तीक, नीतिगत तथा विभिन्न कागजातहरु मिलाउन बाँकी दखिएका रकम मात्र हो । स्थानीय तहलाई सरकारले स्वत घोषणा गरेपनि नगर कार्यपालिकाबाट पास गरिएका विभिन्न ऐन, कानूनलाई केन्द्र सरकारले नमानिने कारणले गर्दा यस्ता वेरुजु नीतिगत रुपमा देखिएको छ । केन्द्रकृत व्यवस्था अहिले पनि प्रभवावित गरिरहेको कारण स्थानीय तहहरुमा वेरुजु बढी रहेको छ । यस अवस्थाले अहिले पनि केन्द्रिय शासन व्यवस्था कायम रहेको पुष्टि हुन्छ ।

सिरहा नगरपालिकामा पुरानो बेरुजुहरु रहेकोले यती धेरै रकम देखिएको छ । तर असुल उपर गर्नुपर्ने वेरुजु थोरै छन् । कार्य गर्दै जादाँ समयको अभाव र अन्तिम चरण कार्यका निकाषा दिनु पर्ने बाध्यताका कारण यस्ता अवस्था देखिनु सोभाभीक हुन्छ । बढी विद्यालयहरुका अनुदान भएकोले कार्य सम्पन भएको छ । अब सम्पूर्ण पेश्की फछ्यौउट हुने भएकोले देखिएको बेरुजु नरहने निश्चित छ । सिरहा नगरपालिकामा कुनै पनि वेरुजु रकम नरहने प्रयास हामी सबैका हुने हाम्रा प्रतिवद्धता रहेको प्रमुख यादबले गर्नु भयो ।

कार्य गर्ने शिलशिलामा यस्ता वेरुजु ठुलो कुरो होइन । यस विषयलाई संचार माध्यहरुले भयानक रुपमा प्रस्तुत गरिरहेकोले नगरवासीहरु आफ्नो ठाउँका विकास तथा परिवर्तनमा गम्भिर भईर सोच विचार गरी भ्रमक सामाचारपछि नलाग्न मेयर असेश्वर प्रसाद यादबले नगरवासीहरुसँग अनुरोध पनि गर्नु भयो ।