खैरटोका भन्सार नाकाको होल्प डेक्स संचालनमा

• कार्तिक २३, २०७८ | ८४८ पटक पढिएको | सीमा संदेश

सिरहा । कोरोना भाइरस रोकथामका लागि नेपाल– भारत सीमाको खरटौका भन्सार नाकामा सुविधा सम्पन् हेल्प डेक्स भवन सिरहा नगरपालिका मेयर असेश्वर प्रसाद यादबद्धारा उद्घाटन गरिएको छ । भारतबाट आउने नेपाली नागरिकलाई सुरक्षित साथ चेक जाँच गरी कोरन्टाइन व्यवस्थापन सम्मको सुविधा दिने गरी हेल्प डेक्स व्यवस्थापन गरिएको मेयर यादबले बताउनु भयो ।

संघिय सरकारको अनुदानमा रु. ४७ लाखको ठेक्कामा अधिकारी कम्पनी विलडरसले हेल्प डेक्स निर्माण गरेको छ । उक्त हेल्प डेक्समा ४ कोठे भवनसहित ४ वटा शैचालय निर्माण गरिएको छ । हेल्प डेक्स व्यवस्थापनका लागि सम्पूर्ण कार्य भइसेको सिरहा नगरपालिका प्रमुख प्रशासकीय अधिकृत बलिराम यादबले बताउनु भयो ।

हेल्प डेक्सका सेवा सुविधालाई प्रभावकारी बनाउन एक जना मेडिकल अधिकृत, २ जना एच.ए., २ जना अनमी, १ जना लाईभ एसिस्टेन्ट र १ जना कार्यालय सहायक व्यवस्था गरिएको छ ।  बैदेशिक रोजगारीका लागि गएको नेपाली नागरिकहरु घर फर्केसँग यस हेल्प डेक्समा चेक जाँच गराई सेवा सुविधा उपभोग गर्न हुन प्रमुख यादबले अनुरोध गर्नु भयो । 

हेल्प डेक्स सिरहासहित देशवासीलाई सुरक्षित बनाउने भएकोले सुविधा सम्पन रुपमा व्यवस्थापन भएपछि नेपाली नागरिकहरु खुशी भएका छन् ।