नवराजपुर गाउँपालिकाद्धारा स्वंयसेविकाहरुलाई साइकल वितरण

• मंसिर १२, २०७८ | ६१९ पटक पढिएको | बैधनाथ कुमार यादब

सिरहा । स्वंयसेविकाहरुका भुमिकालाई प्रभावकारी बनाउन सिरहाको नवराजपुर गाउँपालिकाले साइकल वितरण गरेको छ । वडा नं. १ र ३ का १४ जना स्वंयसेविकाहरुलाई पहिलो चरणमा साईकल वितरण गरिएको छ ।
कोरोना महामारी लगायत समाजका विभिन्न समस्याको वेला स्वंयसेविकाहरुका भुमिका अति नै महत्व पूर्ण हुने भएकोले गाउँपालिकाले उनीहरुका भुमिकालाई थप प्रत्साहनका लागि साईकल उपलब्ध गराएको गाउँपालिका अध्यक्ष विश्वमोहन प्रसाद यादबले बताउनु भयो ।

उनीहरुका कार्यको अगाडी साइकल कुनै ठुलो उपहार होइन् । साइकल अझ समाजमा पर्ने विभिन्न समस्याका वेला समयमा सबैका घर आँगनमा सहज पहुँचका लागि सहयोग हुने छ । हामीले कोरोना महामारी वेला स्वंयसेविकाहरुले गरे कार्यलाई नजिकबाट हेरेका छौँ । त्यसैले उनीहरुलाई समाज सेवामा थप बल पुगाउनका लागि साइकल उत्प्रेणका कार्य गर्ने छ ।

साइकल उपलब्ध गराएपछि तपाईहरुका भुमिका समाजमा बढनु पर्छ । तपाईहरु बारेमा आउने गुनासोहरु हामीलाई सुन्न नपरोस् । थप उर्जका साथ कार्य गर्नु हुन स्वंयसेविकाहरुलाई अध्यक्ष यादबले अनुरोध गुर्न भयो ।