सिरहा नगरपालिका वडा नं-६ द्धारा लक्षीत वर्ग सम्मानका लागि कमल वितरण

• मंसिर २४, २०७८ | ७४३ पटक पढिएको | बैधनाथ कुमार यादब

सिरहा । सिरहा नगरपालिका वडा नं- ६ ले आ.व.२०७८/०७९ को स्वीकृत कार्यक्रमबाट लक्षीत वर्गलाई सम्मान गरेको छ । लक्षीत वर्गहरुमा जेष्ठनागरिक, एकल महिला, अपाङ्ग र विपन्नलाई जाडोबाट सुरक्षित बनाउन कमल वितरण गरी सम्मान गरको छ।

वडा भरी जेष्ठनागरिक, एकल महिला र आपङ्ग गरी कुल २ सय ९५ जनालाई कमल उपलब्ध गराएको छ । त्यस्तै अन्य १ सय ५ जना गरी कुल ४ सय जनालाई कपल ओढाइ सिरहा नगरपालिका मेयर, प्रमुख प्रशासकीय अधिकृत र वडाअध्यक्षले सम्मान गरको छ ।

लक्षीत वर्गलाई सम्मान नगरी कुनै पनि सरकार समाज परिवर्तन गर्न सक्दैन् । यि वर्ग समाजको प्रमुख खम्बा हो । लक्षीत वर्गलाई सरकारको सम्पूर्ण योजनामा समान सहभागिता गराउन जरुरी छ । यि वर्गहरुका विकास गर्न सके मात्र समाजमा परिवर्तनको अनुभुती हुन्छ । यसका लागि सिरहा नगरपालिका वडास्तर देखि नगरस्तरमा पनि विभिन्न कार्यक्रम बनाई योजनावद्ध कार्यक्रम कार्यन्वयन भईरहेको छ । कार्यक्रम मात्र नभई म आफै नगरपालिकाका सम्पूर्ण वडाहरुका लक्षीत वर्गलाई प्राथमिकता दिई भेट-घाट गरी उनीहरुका समस्या सामाधनका लागि कार्य गरिरहेको नगरपालिका मेयर असेश्वर प्रसाद यादबले बताउनु भयो ।

लैङ्गिक सामानता बजेट विनियोजन सिद्धान्तका आधारमा लक्षीत वर्गका समस्या तथा सम्मानका लागि सबै वडास्तर लगायत नगरस्तरमा कार्यक्रम बनाईएको छ । लक्षीत वर्गहरु माथि भईरहेको विभिन्न घरेलु हिंसा जस्ता घटना कम गर्न र समाजमा परिवारीक मेलमिलाप कायम गर्न पनि विभिन्न योजनमा लक्षीत वर्गका भुमिकालाई प्राथमिकिरण गरी कार्यन्वयन भईरेको छ । नेपाल सरकारले उपभोक्ता समिति दर्ता गरी कार्यक्रम संचालन गर्न दिईएको निर्देशनलाई पनि लक्षीत वर्गका सहभागितलाई सुश्चितता गराई सिरहा नगरपालिकाले उभोगक्ता समिति दर्ता गर्ने आधार बनाउने छ । लक्षीत वर्गका सच्चा सम्मानका लागि नगरपालिका विभिन्न अवसरसँग जोडि कार्यक्रम गर्ने सिरहा नगरपालिकाको प्रमुख प्रशासकीय अधिकृत बलिराम यादबले बताउनु भयो ।

कमल मात्र होइन, लक्षीत वर्गलाई विभिन्न योजनमा सहज सहभागिता गराई वडा नंं. ६ ले कार्य गर्ने छ । अब सुरु हुने सित लहरलाई लक्षीत गरी लक्षीत वर्गका ज्यान सुरक्षित गर्न कमल उपलब्ध गराएको छ । लक्षीत वर्गलाई थप शसक्तिकरणका लागि अन्य कार्यक्रम गरी लक्षीत वर्गलाई थप सम्मानित बनाउने योजना रहेको वडाअध्यक्ष विजय कुमार यादबले बताउनु भयो ।