“विकास समृद्धिको आधार नै सिप हो” : वडाअध्यक्ष साह

• पुस ९, २०७८ | ४७३ पटक पढिएको | सीमा संदेश

सिरहा । सिरहा नगरपालिका वडा नं. ७ को सहयोग र सङोर नेपाल, सिरहाको आयोजनामा ५ दिने साबुन तथा सर्फ बनाउने सिप विकास तालिमको समापन् कार्यक्रम वडा नं. ७ को वडाअध्यक्ष उपेन्द्र साहले आफ्नो विचार राख्ने क्रममा भने, “विकास समृद्धिको प्रमुख आधार नै सिप हो” । 

 विकाससँगै सिप तथा जनचेतनामा नेपाल सरकारको लैङ्गिक सामानता सिद्धान्तको आधारमा कार्यक्रम वडा नंं. ७ ले प्रत्येक आ.व. संचालन गरको छ । हाल सम्म सिप विकास कार्यक्रम अन्तर्गत ५० भन्दा बढी युवालाई सिप विकास तालिम दिइएका छन । यस्तै शसक्तिकरण तथा विभिन्न सामाजिक कुरितीलाई हटाउन विभिन्न किसिमको जनचेतना मुलक कार्यक्रम अन्तर्गत एक सय भन्द बढी लक्षीत वर्गहरुलाई तालिम दिइएका छन् । भौतिक विकासले सामाज परिवर्तन हुन नसक्ने भएकोले जनचेतना र सिप विकासलाई पनि वडाले प्राथमिकता दिइएको साहले बताउनु भयो ।

जसले–जे भने पनि तालिम सामाज समृद्धिको आइना हो । तालिमको उपलब्धी भौतिक रुपमा नदेखिए पनि मानिसको व्यवहारमा देखिन्छ । स्थानीय सरकारले यस्ता कार्यक्रमलाई प्राथमिकताको आधारमै राख्न जरुरी छ । अहिले देश अथवा विदेशमा पनि सिप युक्त जनशिक्तको खोजि भईरहेको हुदाँ यस्ता तालिम विकास समृद्धिको प्रमुख आधार हो । यस्ता कार्यक्रम वडा नं. ७ ले निरन्तर रुपमा राख्ने साहले कार्यक्रम सहभागि बिच प्रतिवद्धता गर्नु भयो ।

सिरहा नगरपालिकाका अन्य वाडाहरु भन्दा बैग्लै सोच लिई कार्यक्रम संचालन गरिरहेको सिरहा नगरपालिका वडा नं. ७ को वडाअध्यक्षलाई बाल मन्दिरको प्रअ संजय यादबले खुशी व्यक्त गर्दै धन्यवाद पनि दिनु भयो । लैङ्गिक सामानता आधारलाई पहिलो प्राथमिकतामा राखी कार्य अन्य ठाउँमा भएको छैन् । भौतिक विकासले सामाजलाई संरचना दिन सक्छ । तर सुन्दरता र आथिक समृद्धिका लागि यस्ता तालिम आवश्यक रहेको यादबले बताए ।

साबुन तथा सर्फ विकास तालिममा २०  जना महिला तथा पुरुषका सहभागिता रहेका थिए । तालिमले आर्थिक समृद्धिमा भईरहेको समस्या तथा स्वरोजगार हुन सक्ने सिप दिइएकाले सम्पूर्ण सहभागि खुशी भएको सहभागिहरुका प्रतिनिधित्व गरी आफ्नो विचार सुलोचना पासमानले प्रस्तुत गरिन् ।