अवैध लागूऔषध सहित युवक पक्राउ

• मंसिर ९, २०७९ | ५९० पटक पढिएको | सीमा संदेश

लहान, ९ मंसिर। सिरहा प्रहरीले अवैध लागुपदार्थ ब्राउनसुगर सहित एक युवकलाई पक्राउ गरेको छ। जिल्लाको लहान नगरपालिका २२ स्थित भित्री सडकबाट अवैध लागू औषध ब्राउनसुगर जस्तो देखिने १ ग्राम ७ सय ४० मिलिग्राम सहित सोही नगरपालिका ११ पडरियाका २२ वर्षीय नन्दन चौधरीलाई बिहीबार दिउँसो प्रहरीले पक्राउ गरेको हो।

ईलाका प्रहरी कार्यालय लहानबाट खटिएको प्रहरीले प्रदेश २–०१–००३ प ५५६५ नम्बरको मोटरसाइकललाई चेक जाँच गर्ने क्रममा चौधरीको साथबाट उक्त लागुपदार्थ बरामद गरिएको प्रहरीले जनाएको छ।

यस सम्बन्धमा प्रहरीले थप अनुसन्धान गरिरहेको जनाएको छ।