जनकपुरमा एक युवक मृत फेला, हत्याको आशंका

• कार्तिक १०, २०८० | ४१५ पटक पढिएको | सीमा संदेश

जनकपुरमा एक युवकको शव फेला परेको छ। जनकपुरधाम उपमहानगरपालिका–२३ बेलास्थित धान खेतमा अन्दाजी २५ वर्षीय युवकको शव फेला परेको प्रहरीले जनाएको छ।

युवकको पहिचान खुल्न सकेको छैन। युवकको शरीरमा रगतको टाटा देखिएको धनुषाका प्रहरी प्रवक्ता डिएसपी रञ्जन आवाले जानकारी दिए।

‘घटनास्थलको प्रकृतिले युवकको हत्या भएको आशंका छ। घटनाको अनुसन्धानका लागि प्रदेश प्रहरी कार्यालयबाट तालिम प्राप्त कुकुर सहितको टोली ल्याइएको छ,’ डिएसपी आवाले भने।

घटनाबारे थप अनुसन्धान भैरहेको डिएसपी आवाले बताए।