हत्या गरिएको अवस्थामा महिलाको शव फेला

• कार्तिक १७, २०८० | ३७५ पटक पढिएको | सीमा संदेश

हत्या गरिएको अवस्थामा प्रहरीले एक महिलाको शव फेला परेको छ ।

जितपुरसिमरा उपमहानगरपालिका वडा नं.६ नगौलमा बिहीबार विहान हत्या गरिएको अवस्थामा एक महिलाको शव फेला परेको ईलाका प्रहरी कार्यालय सिमराले जनाएको छ । बारा प्रहरी प्रवक्ता प्रहरी नायव उपरीक्षक दधिराम न्यौपानेले घाँटी थिची हत्या गरिएको अवस्थामा खेतमा अन्दाजी २५ वर्षकी एक जना अज्ञात महिलाको शव फेला परेको बताए । सल प्रयोग गरेर महिलाको घाँटी थिचिएर हत्या गरेको हुनसक्ने प्रारम्भिक अनुसन्धानमा देखिएको प्रहरी नायव उपरीक्षक न्यौपानेले जानकारी दिए । उनका अनुसार हत्या दुई÷तीन दिन पहिला भएको हो । तराई मूलकी जस्तो देखिने शवको अनुहारमासमेत किरा लागिसकेकोले महिलाको पहिचान गर्न कठिनाइ भइरहेको उनले बताए ।

महिलाको मुखमासमेत दुपट्टाको टुक्राहरू भेटिएको कारण मुख थुनेर सोही दुपट्टाले घाँटी थिची हत्या गरिएको हुनसक्ने अनुमान गरिएको छ । स्थानीयले बिहीबार बिहान शव देखेपछि प्रहरीलाई खबर गरेका थिए । खबर पाए लगतै ईलाका प्रहरी कार्यालय सिमरा र जिल्ला प्रहरी कार्यालय बाराबाट तालिम प्राप्त कुकुर सहित प्रहरी घटनास्थलमा पुगेका थिए ।