चोरीको गाडीसहित दुई जना पक्राउ, गिरोहको खोजी हुँदै

• माघ १, २०८० | ५२१ पटक पढिएको | सीमा संदेश

चोरीका चारवटा चार पांग्रे गाडीसहित धनुषा प्रहरीले दुई जनालाई पक्राउ गरेको छ ।

पक्राउ पर्नेहरुमा महोत्तरी जिल्ला जलेश्वर नगरपालिका ३ मलवारा बस्ने ६० वर्षिय मोख्तार अनसारी र सोही जिल्लाको लोहारपट्टी नगरपालिका ६ बस्ने ४० वर्षिय जमजम भन्ने अन्सारुल कवारी रहेको र गाडीको कागजात बनाउने एक जना फरार रहेको जिप्रका धनुषाले जनाएको छ ।

भन्सार चोरी निकासीका गाडीहरु भारतबाट नेपालमा ल्याई नेपाली नम्बर प्लेट राखि नेपालमा चलाई रहेको भन्ने गोप्य सूचनाको प्रहरीको विशेष टोलले जनकपुरधामबाट गाडी नियन्त्रण लिई तिनीहरुलाई पक्राउ गरिएको जिप्रका धनुषाका प्रमुख एसपी मित्रबन्धु शर्माले बताए ।
सवारी धनी र सवारी दर्ता किताबको विवरण अनुसार चेकजाँच गर्दा यातायात व्यवस्था कार्यालय जनकपुरधाम र नारायणीमा लेखापढी भएपनि ती कार्यालयहरुमा त्यसको रेकर्ड फेला नपरेको जानकारी दिदैं ती गाडीहरु माइक्रो बस र पिकअप गाडीको नाममा दर्ता उल्लेख भएको कारण ती गाडी भारतबाट चोरी गरी ल्याइएको अनुसन्धानमा खुलेको उनले बताए ।

नियन्त्रणा लिइएका गाडीहरुमा प्रदेश-२-०३-००१ च. ११४० (Creata, white), प्रदेश-२-०३.००१ ०११० (Vitara Breeza, white), प्रदेश-२-०३-००१ च ५४८७ (Vitara Breeza, Silver), प्रदेश-२.०३- ००१ च १७३९ (Scorpio White) रहेको छ ।

यसका साथै उनले लागू औषध तथा दुव्र्यसन नियन्त्रण गर्ने अभियान अन्तर्गत जटही भन्सार नाकाबाट विभिन्न मितिमा ७२ जनालाई नियन्त्रणमा लिइएका जानकारी दिए ।

प्रहरीले जटही बोर्डरबाट पुस १८ गते ३७ जनालाई र पुस २८ गते ४५ जना गरी ७२ जना युवालाई नियन्त्रणमा लिइएको जानकारी दिदैं उनले नियन्त्रणमा लिइएका मध्ये पहिलो चरणको ३७ जनालाई दुव्र्यसनबाट हुने क्षति बारे प्रशिक्षण क्लास दिई छाडिएको बताए ।