घर सम्पन्न प्रमाणपत्रका लागि घुस लिने इन्जिनियर अख्तियारको नियन्त्रणमा

• चैत २९, २०८० | ४५१ पटक पढिएको | सीमा संदेश

डेढ लाख रुपैयाँ घुससहित पोखराबाट एकजना इन्जिनियरलाई अख्तियार दुरुपयोग अनुसन्धान आयोगले नियन्त्रणमा लिएको छ । अख्तियारले पोखरा महानगरपालिकामा कार्यरत इन्जिनियर उषा किरण रोकायालाई नियन्त्रणमा लिएको हो ।

घर निर्माण सम्पन्न प्रमाणपत्र दिने नाममा लिएको घुस रकमसहित उनलाई नियन्त्रणमा लिइएको अख्तियारले जनाएको छ ।

अख्तियार दुरुपयोग अनुसन्धान आयोगका प्रमुख आस्मान तामाङका अनुसार अख्तियारले उनलाई नगदसहित नियन्त्रणमा लिएको हो ।

उनीमाथि थप अनुसन्धान भइरहेको छ ।