चर्चित लोकगायिका शारदा सिन्हाको अवस्था गम्भिर, भेन्टिलेटरमा जीवन मृत्यूसँग लडदै !

• कार्तिक २०, २०८१ | ३१६ पटक पढिएको | सीमा संदेश

छिमेकी मुलुक भारत बिहारकी चर्चित एवम् पदमश्री गायिका शारदा सिन्हाको स्वास्थ्य अवस्था बिग्रीदै गएको छ । 

स्वर कोकिलाको नामले समेत चिनिएकी भारत सरकारको पदमश्री अवार्डबाट सम्मानित गायिका शारदा सिन्हाको स्वास्थ्य अवास्था जटिल भएपछि अस्पताल भर्ना गरिएको छ । परिवारजनको अनुसार उनलाई अहिले भेन्टिलेटरमा राखेर उपचार गरिरहेको छ । 

केही दिन अगाडी उनको श्रीमान वृजकिशोर सिन्हाको मृत्यू भएपछि चिन्तित भएकी शारदा सिन्हालाई दिल्लीको एम्स अस्पतालमा भर्ना गरिएको हो । उनका छोरा अँशुमन सिन्हाले शारदा सिन्हाको स्वास्थ्य अवस्थाबारे जानकारी गराएका हुन् । उनले छठी मेयाँसँग प्रार्थना गर्न उनका शुभचिन्तकहरुमा अपिल गरे । 

अँशुमनले छठ पर्व मनाउने व्रतालु एवम् श्रद्धालुसँग उनको लागि प्रार्थना गर्न आग्रह गरे । 

शारदा सिन्हा ती गायक हुन जसको गीतको बिना छठ पर्व अधुरो अधुरो जस्तो लाग्छन् । छठ र विवाहको सयौँ गीत गाएकी शारदा सिन्हा ऐरा भनेर चिनिएको छ । उनको छठको गीत, विवाहको गीत मन नपराउने कोही होइनन् ।