एक महिलाको विभत्स हत्या, नग्न अवस्थामा शरीर र टाउको अलग–अलग भेटियो

• मंसिर २१, २०८१ | ४७५ पटक पढिएको | सीमा संदेश

धनुषामा एक महिलाको विभत्स हत्या भएको छ । धनुषाको विदेहनगरपालिका ५ मुरिबा टोलीकी ४० वर्षीया रामपरी देव ठाकुर वडहीको टाउको हत्या भएको हो ।
हत्या भएको अवस्थामा उनको शव बुधबार दिउँसो घरभन्दा करिब डेढ किलोमिटरको दुरीमा शिवनारायण मण्डलको खेतमा भेटिएको हो ।

उनको शरीरको भाग र टाउको करिब ३० मिटरको दुरीमा फेला परेको हो । टाउकोको भाग कमला नदीको नहरमा भेटिएको छ । शरीर नग्न अवस्थामा थिए । शरीर र टाउको भेटेको भन्दा सयमिटर पर रगत बगेको देखिएको छ ।

धारिलो हतियारले घाँटी छिनाएर उनको हत्या भएको धनुषा प्रहरीले जनाएको छ । हत्या भएकी महिलाको श्रीमान लामो समयदेखि वैदेशिक रोजागारमा छन् । मृतकका कान्छो छोराका अनुसार मंगबार अपराहन्न रामपरी घाँस लिन चौरतिर गएकी थिइन् । अवेर साँझसम्म घर नफर्किँदा खोजविन गरिएको थियो । तर त्यसको भोलिपल्ट रामपरीको विभत्स हत्या भएको अवस्थामा शव फेला परेको हो ।

घटना पश्चात संलग्न भएको आशंकामा प्रहरीले तीनजनालाई पक्राउ गरेको थियो । अहिले एकजनालाई हिरासतमा राखेर अनुसन्धान गरिरहेको धनुषाका प्रहरी उपरीक्षक भुवनेश्वर तिवारीले बताए ।