उदितनारायणले महिला फ्यानलाई ओठमै किस गरेपछि भारतमा हंगामा

• माघ २०, २०८१ | ३९६ पटक पढिएको | सीमा संदेश

भारतमा प्रख्यात नेपाली गायक उदितनारायण झा गम्भीर स्क्यान्डलमा फँसेका छन् । उनले स्टेजमा प्रस्तुति दिने क्रममा महिला फ्यानहरूलाई ओठमै किस गरेको भिडियो भाइरल भइरहेको छ ।

यो भिडियो कहिलेको र कहाँको हो भन्ने खुलेको छैन । भिडियोमा उदितले एक कन्सर्टमा ‘टिपटिप वर्षा पानी…’ बोलको गीत गाइरहेको देखिन्छ । गाउने क्रममा उनले आफूसँग सेल्फी खिच्न चाहने युवतीहरूलाई नजिक बोलाउँछन् । एक युवतीले सेल्फी खिचेपश्चात उदितले उनलाई आफूतिर खिच्छन् र युवतीले उनलाई गालामा चुम्छिन् । लगत्तै उदितले ती युवतीलाई ओठमा दह्रो किस गर्छन् ।

उदितले यसरी किस गर्दा युवती खुशीले रमाएको भिडिओमा देखिन्छ । साथै भिडले पनि हुटिङ गर्दै उनलाई उक्साएका छन् । उदितले अरू केही महिलालाई पनि यसरी तान्दै किस खाएको देखिन्छ ।

यो घटनालाई लिएर सामाजिक सञ्जालमा भारतीयले उदितको चर्को आलोचना गरिरहेका छन् ।

उनले भनेका छन्, ‘फ्यानहरू एकदम दिवाना हुन्छन् । हामी यस्तो खालका होइनौं । हामी भलाद्मी मान्छे हौं । केही व्यक्तिले आफ्नो प्रेम विभिन्न तरिकाले देखाउँछन् । यस्तो कुरालाई बढावा दिएर फाइदा छैन । यसमा ध्यान नदिँदा राम्रो हुन्छ ।’