करणी मुद्दाका फरार प्रतिवादी लहानको वडा सदस्य पक्राउ

• माघ २२, २०८१ | ६१२ पटक पढिएको | सीमा संदेश

सिरहा प्रहरीले जबरजस्ती करणी उद्योग मुद्दाका फरार प्रतिवादीलाई पक्राउ गरेको छ । पक्राउ पर्नेमा लहान नगरपालिका-२४ का वडा सदस्य भोगिन्द्र पासमानलाई प्रहरीले पक्राउ गरेका छन् । 

उनलाई सोमबार नै लहान-१० बाट पक्राउ गरि जिल्ला अदालत सिरहामा दाखिला गरि कैद भुक्तानका लागि आज कारागार पठाएको जानकारी दिए । 

०७९ को स्थानीय तह निर्वाचनमा जसपा नेपालबाट वडा सदस्यमा चुनाव लडेर जितेका थिए । 

केही वर्ष पहिले जिल्ला अदालत सिरहाबाट उनी छुटेका थिए । त्यसपछि मुद्दा उच्च अदालतमा पुग्यो ।  उच्च अदालत जनकपुर राजबिराज ईजलासले २०८० फागुन ८ गते १४ वर्ष कैद र २५ हजार रुपैयाँ जरिवाना फैसला गरेका छन् ।