जम्मुकम्मीर आतंकवादी हमलामा एक नेपालीको मृत्यु, छानीछानी हिन्दूको हत्या

• वैशाख १०, २०८२ | ३०६ पटक पढिएको | सीमा संदेश

 भारत नियन्त्रणको काश्मिर क्षेत्रमा मंगलबार आतंककारी हमलामा परेर मारिएकामध्ये १६ जना मृतकको नाम सार्वजनिक भएको छ । हमलामा परेर २६ जनाकाे ज्यान गएको थियो ।

भारतीय  सञ्चारमाध्यम एबीपीले १६ जना मृतककाे नाम सार्वजनिक गरेकाे  गरेकाे छ । जसमा नेपालका सन्दीप सुवेदी पनि रहेका छन् ।  एबीपीले सार्वजनिक गरेकाे लिस्टमा सुवेदीकाे नेपालकाे ठेगाना खुलेकाे छैन ।

त्यस्तै हत्या हुनेमा एक जना यूएइका पनि रहेका छन् भने बाँकी  भारतका  विभिन्न राज्यका अधिकांश पर्यटक रहेका छन् ।

आतंककारीहरुले हिन्दूलाई छानिछानी हत्या गरेको भारतीय मिडियाले उल्लेख गरेका छन् । अनन्तनाग जिल्लाको पहलगाम क्षेत्रमा रहेको पर्यटकीय क्षेत्रमा झाडीमा लुकेर बसेका आतंककारीहरुको हमला गरेका  थिए ।

मृतकहरु सख्या बढ्न सक्ने भारतीय समाचार  एजेन्सीहरुले बताएकाे छ । सैनिक पोशाकमा ५ जना बन्दुकधारीले पर्यटकीय क्षेत्रमा रमाइरहेका पर्यटकलाई उनीहरुको नाम र देश सोध्दै हिन्दू नाम भएका जतिलाई गोली हानेका थिए ।

जम्मु र काश्मिरका मुख्यमन्त्री ओ मार अब्दुल्लाले आतंककारीहरुलाई जनावर उपनाम दिएर खण्डन गरेका छन् भने प्रधानमन्त्री नरेन्द्र मोदीले हत्यारालाई सजाय हुने बताएका छन् ।

आतंकवादी हमला भएसँगै साउदी अबरको भ्रमण रद्ध गरेर भारतीय प्रधाननमन्त्री नरेन्द्र मोदी स्वदेश फर्कर्दैछन् ।  लिस्टमा नेपालमा ठेगाना खुलेको छैन ।