नरेन्द्र मोदीको घोषणाः भारतले सगरमाथासम्म उड्न सक्ने हेलिकोप्टर बनाउने, फ्रान्स विशेष साझेदार

• फागुन ६, २०८२ | १५६ पटक पढिएको | सीमा संदेश

मुम्बईमा आयोजित संयुक्त पत्रकार सम्मेलनमा भारतका प्रधानमन्त्री नरेन्द्र मोदी ले फ्रान्सका राष्ट्रपति इम्यानुएल म्याक्रों सँग भेटवार्ता गरे। उक्त अवसरमा मोदीले भारत र फ्रान्स मिलेर भारतमै सगरमाथाजस्तो उचाइसम्म उड्न सक्ने हेलिकोप्टर निर्माण गर्ने घोषणा गरे।

मोदीले फ्रान्सलाई भारतको विशेष साझेदार बताउँदै दुवै देशबीचको सम्बन्धलाई ‘स्पेशल ग्लोबल स्ट्राटेजिक पार्टनरशिप’ स्तरमा स्तरोन्नति गर्ने निर्णय भएको जानकारी दिए। उनका अनुसार यस प्रकारको साझेदारीको अर्थ दुवै देश केवल व्यापार वा हतियार खरिद–बिक्रीमा सीमित नहने, बरु सुरक्षा, प्रविधि, अन्तरिक्ष, समुद्री सुरक्षा र विश्वव्यापी मुद्दाहरूमा सहकार्य गर्ने हो। यसअघि दुई देशबीच सन् १९९८ देखि ‘स्ट्राटेजिक पार्टनरशिप’ कायम रहेको थियो।

त्यसपछि म्याक्रोंले इन्डिया–फ्रान्स इनोभेसन फोरमलाई सम्बोधन गर्दै विश्वका धेरै ठूला कम्पनीहरूको प्रमुख कार्यकारी अधिकृत (सीईओ) भारतीय रहेको उल्लेख गरे। उनले अल्फाबेट, माइक्रोसफ्ट, आइबीएम, एडोबी र पालो आल्टो नेटवक्र्स जस्ता कम्पनीका सीईओ भारतीय रहेको बताए। म्याक्रोंले अब भारत नेतृत्व गर्ने राष्ट्रका रूपमा उभिएको पनि उल्लेख गरे। एजेन्सी