सिरहा नगरस्तरीय फुटबल प्रतियोगिताः क्वाटर फाइनल खेलमा वडा नं. ११ र ९ विजयी

• फागुन १२, २०८२ | ३४८ पटक पढिएको | सीमा संदेश

सिरहा, फागुन १२ गते । सिरहा क्याम्पस खेल मैदानमा जारी सिरहा नगरस्तरीय फुटबल प्रतियोगिताको छैठौँ  दिनको दुई चरणका क्वाटर फाइनल खेलमा वडा नं. ११ र ९  विजयी भएको छ।

पहिलो चरणको खेलमा वडा नं. ११ र वडा नं. २२ खेल अवधि सम्म कुनै गोल गर्न नसकेपछि टईबेकरबाट निर्णय लिएको छ । टइबेकरमा वडा नं.११ ले ३ गोल गरे र वडा नं. २२ ले २ गोल मात्र फर्काएर पराजित भए । खेलको प्लेयर अफ द म्याच वडा नं. ११ का खेलाडी सुरज कमती भएको छ । यस जितसँगै वडा नं. ११ सेमि फाइनलमा प्रवेश गरेको छ ।

त्यसैगरी दोस्रो चरणको खेल वडा नं. ९ ले २ गोल गरे र वडा न. १२ ले खेल अवधिको समयमा कुनै गोल फर्काउन नसकेपछि पराजित भएका छन । खेलको प्लेयर अफ द म्याच वडा नं. ९ को खेलाडी दिपक यादब भएको छ। यस जितसँगै वडा नं. ९ सेमि फाइनलमा प्रवेश गरको छ ।

युवाको सम्मान, नगरको पहिचान, फुटबल खेल हाम्रो अभियान भन्ने मूल नाराका साथ आयोजित नगरस्तरी फुटबल प्रतियोगिताको सातौँ दिन आज (मंगलवार) सेमि फाइनल खेलमा बेलुका ३ बजे वडा नं. ७ र वडा नं ११ बिच भिडन्त हुने आयोजक संस्थाको अध्यक्ष राजिप यादबले बताए ।