सिरहा नगरस्तरीय फुटबल प्रतियोगिताः सेमिफाइनल खेलमा वडा नं. ७ विजयी

• फागुन १३, २०८२ | १७२ पटक पढिएको | सीमा संदेश

सिरहा, फागुन १३ गते । सिरहा क्याम्पस खेल मैदानमा जारी सिरहा नगरस्तरीय फुटबल प्रतियोगिताको सातौँ दिनको सेमिफाइनल खेलमा वडा नं. ७ विजयी भएको छ।

वडा नं. ७ ले ४ गोल गरे र वडा न. ११ ले खेल अवधिको समय सम्म १ गोल मात्र फर्काएपछि पराजित बेहोरनु परेको छ ।

खेलको प्लेयर अफ द म्याच वडा नं. ७ को खेलाडी राजा बाबु मेस्तर भएको छ। मेस्तरले  दुई गोल गरी वडा नं. ११ माथि दबाब  श्रृजना गरेको थियो । वडा नं.११ बाट मोहम्द वसिरले १ गोल फर्काएको थियो ।

युवाको सम्मान, नगरको पहिचान, फुटबल खेल हाम्रो अभियान भन्ने मूल नाराका साथ आयोजित नगरस्तरी फुटबल प्रतियोगिताको सातौँ दिन आज (बुधवार) सेमिफाइनल खेलमा बेलुका ३ बजे वडा नं. ८ र वडा नं ९ बिच भिडन्त हुने आयोजक संस्थाको अध्यक्ष राजिप यादबले बताए ।