गायक ललित कामत पुरस्कृत

• चैत ८, २०८२ | २६३ पटक पढिएको | सीमा संदेश

संस्कृति विद्या मन्दिरद्वारा आयोजित संस्कृति उत्सवका अवसरमा श्री आञ्जनेय सेवाश्रम स्व. पवनकुमार बाजोरियाको स्मृतिमा स्थापित संगीत तथा कला पुरस्कार २०८२ ले शास्त्रीय लोक एवं आधुनिक गीतका गायक ललित कामतलाई प्रदान गरिएको छ ।

जनकपुरधाममा शनिबार संस्कृति विद्या मन्दिरले आयोजना गरेको समारोहमा गायक कामतलाई शास्त्रीय लोक एवं आधुनिक गीत गायनको श्रीवृद्धिमा उल्लेख्य योगदानका लागि पुरस्कृत गरिएको जनाइएको छ । यस सेवाश्रमद्वारा गठित तीन सदस्यीय पुरस्कार छनोट समितिका संयोजक हिमांशु चौधरी, सदस्यहरुमा शैलेन्द्र झा, अभय शर्माले सिफारिस गरेपछि गायक कामत पुरस्कृत भएका छन् ।

सो पुरस्कारमा ११ हजार रुपैयाँ नगद र कदर पत्रबाट पुरस्कृतसहित सम्मान मधेश प्रदेशसभाका सभामुख रामअशिष यादवले गरेका थिए । सो अवसरमा स्वरका धनीका कारण गायक कामत जनप्रिय रहेको भन्दै उनलाई पुरस्कृत गरेपछि उनको सांगीतिक क्षेत्रमा कामतको योगदान उल्लेख्नीय रहेको प्रसंग चर्चा गरे ।

सो संस्कृति उत्सवमा जनकपुरधाम उपमहानगरपालिकाका मेयर मनोज साह, विद्या मन्दिरका संस्थापक डा. अनिल अग्रवाल, उद्योग वाणिज्य संघका अध्यक्ष सुरेन्द्र भण्डारीलगायतका सहभागिता रहेको थियो । यस कार्यक्रममा विद्या मन्दिरका विद्यार्थीहरुले संस्कृतिक लोक नृत्य समेत प्रस्तृत गरेका थिए ।