चिसोका कारण धनुषा र सप्तरीमा २ जनाको मृत्यु

• पुस २१, २०७८ | ४८० पटक पढिएको | सीमा संदेश

सिरहा । केही दिनयता बढेको अत्यधिक चिसो र शीतलहरका कारण धनुषा र सप्तरीमा गरी दुई जनाको कठ्याङ्ग्रिएर मृत्यु भएको छ ।

मृत्यु हुनेमा धनुषाको क्षिरेश्वरनाथ नगरपालिका ५ की ६० वर्षीया समुद्रीदेवी यादव र सप्तरीको महदेवा गाउँपालिका ४ का ६५ वर्षीय देवनारायण ठाकुर रहेका छन् । यादवको जनकपुरधामस्थित प्रादेशिक अस्पतालमा र ठाकुरको अस्पताल लैजान नपाउँदै मृत्यु भएको बताइएको छ ।

चिसोका कारण टोलटोलमा दाउरा बालेर आगो ताप्ने क्रम बढेको छ । चार दिनदेखि अत्यधिक चिसो बढेको छ । विहान लाग्ने कुहिरो तथा हुस्सुका कारण सवारी दुर्घटना समेत बढेको छ ।