कर्जन्हाबाट यी महिला दुई बालिका लिएर फरार

• चैत ३, २०७८ | १,०१० पटक पढिएको | सीमा संदेश

सिरहा । सिरहाको कर्जन्हा नगरपालिका-६ बेतहा टोलबाट अपरिचित एक महिलाले दुई बालिकालाई लिएर सम्पर्क विहिन बनेकी छन् ।

सामाजिक अभियन्ता सरोज रायका अनुसार बेतहा टोलकी १६ वर्षीय रेशमा पासवान र १३ वर्षीया वर्षा पासवानलाई लिएर रवीना खातुन नाम गरेकी महिला सम्पर्क विहिन भएकी हुन् । चैत १ मा बालिका लिएरै सम्पर्क विहिन बनेकी उनी अहिलेसम्म भेटेकी छैन ।

खातुनको स्थायी ठेगाना कसैलाई थाहा छैन । तर केहिदिन अगाडीदेखि उनी बेतहा टोलमै बस्दै आएकी थिइन् । आफु धेरै पिडीत भएको दुःख पोखेपछि गाउँबासीले उनलाई बस्न दिएको थियो ।

अभियन्ता रायका अनुसार सिरहाको माडर नाकाबाट भारतको जयनगर पुग्न सजिलो हुने भएकाले सो नाका प्रयोग गर्न सक्ने अनुमान गरेका छन् । फोटो समेत सार्वजनिक गरेर देख्ने वित्तिकै सम्पर्क गर्न सबैसँग उनको अपिल छ ।