हप्ता भित्र सडक पेटी खाली नभए डोजर चल्छ : मेयर यादब

• असार २३, २०७९ | ६७१ पटक पढिएको | बैधनाथ कुमार यादब

सिरहा, २२ असार । कुरुप बन्दै गरेको सिरहा नगरपालिकाको बजार क्षेत्रलाई मापदण्ड अनुसार खाली गराउन मेयर डा. नविन कुमार यादबले बिहीवार आफै सडकमा आई व्यपारीहरुसँग अनुरोध गरका छन् ।

सिरहा सदरमुकाम बजार क्षेत्रका मुल सडक र सहायक सडकका लागि सरकारले तोकिएको मापदण्डमा रही सडक पेटी एक हप्ता भित्र खाली गर्न मेयर यादबले अनुरोध गर्नु भयो । बजार क्षेत्रका मुल सडक पेटीमा ८ मिटर दायाँ र बयाँ गरी चिनो लगाई हाप्ता भित्र खाली गर्न अनुरोध पनि गर्नु भयो ।

सिरहा बजार सुन्दरताका लागि र दैनिक रुपमा हुने सडक दुर्घटन नियन्त्रणका लागि सडक पेटी समय सीमा भित्र खाली गर्न पर्ने मेयर यादबले व्यपारीलाई सुझाए ।

हप्तौ देखि सूचना दिइए पनि आज सम्म सुस्र्फूत रुपममा कसैले सडक पेटी खाली नगरेको देख्दा दुःख लाग्छ । यसरी नै सिरहा वासीले सहयोग नगरे विकास गर्न असहज हुने र जनताले दिईएको जिमेवारी पुरा गर्न नसकिने अवस्था आउँन सक्छ । जनताले दिईएको आशिर्वादलाई आत्मसाथ गरी काम गर्न जेसुकै कदम पनि चालने मेयर यादबले बताए ।

यदि सडक पेटी आजै देखि हप्ता भित्र खाली नगरे नगरपालिकाका डोजरले हटाउने पनि निर्देशन गर्नु भयो । सडक सबैको साझा सम्पती भएकोले यसलाई संरक्षण गरे हाम्रै ठाउँ सुरक्षित तथा सुन्दर बन्ने मेयर यादबले बताए ।