मुस्लिम धर्मावलम्बी आज ‘बकर ईद’ पर्व मनाउँदै

• असार २६, २०७९ | ४३४ पटक पढिएको | सीमा संदेश

सिरहा । मुस्लिम धर्मावलम्बी आज दोस्रो महान् पर्व बकर ईद (इदुल जोहा) मनाउँदै छन् ।

इदुल फित्र अर्थात् रमजान पर्वको ७०औं दिनमा बकर ईद मनाउने धार्मिक विधि छ ।

मुस्लिम धर्मावलम्बीले आज बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि एकापसमा शुभकामना आदान प्रदान गर्ने गरिएको छ ।

यस अवसरमा देशभरका मस्जिद र इदगाहमा मुस्लिम धर्मावलम्बीको भीड लाग्छ ।

यस पर्वको अवसरमा सरकारले देशभर आज सार्वजनिक बिदा दिएको छ ।