ब्यूटीपार्लरमा यौनधन्दा, दुई महिला र एक पुरुष पक्राउ

• चैत २४, २०७९ | ५०७ पटक पढिएको | सीमा संदेश

जनकपुरधाम, चैत २४ गते । रौतहटमा ब्यूटीपार्लरमा यौनधन्दा चलाई रहेको रहस्य बाहिरिएको हो ।

रौतहटको गौर नगरपालिका १ स्थित सञ्चालनमा रहेको साहिबा ब्यूटीपार्लरमा विशेष सुराकीको आधारमा जिल्ला प्रहरी कार्यालयको टोलीले छापा मारेपछि यौनधन्दाको रहस्य बाहिरिएको हो ।

प्रहरीले यौनधन्दामा संलग्न दुई महिला र एक पुरुषलाई नियन्त्रणमा लिएको हो ।ब्यूटीपार्लर कसले संचालन गरेको हो भन्ने खुल्न सकेको छैन । प्रहरीले सो ब्यूटी पार्लरबाट तास पनि बरामद गरेको छ ।

अगाडी यूवतीको आकर्षक फोटो राखिएको ब्यूटीपार्लरको ब्यानर राखिएको थियो । तर कोठाभित्र ब्यूटीपार्लरको काम नभई कोठामा यौनधन्दाका लागि बेड लगाएको थियो ।