पोखरीमा डुबेर सिरहाका दुई बालबालिकाको मृत्यु

• असोज २, २०८१ | ४६४ पटक पढिएको | सीमा संदेश

सिराहामा छुट्टछुट्टै स्थानको पोखरीमा डुबेर दुई बालबालिकाको मृत्यु भएको छ।

जिल्ला प्रहरी कार्यालय सिरहाका अनुसार कर्जन्हा नगरपालिका ४ बस्तिपुरका सुमित लामाको  ३ वर्षिय छोरा ३ नुरगेन लामाको सोही ठाउँको पोखरीमा डुबेर मंगलबार अपरान्ह मृत्यु भएको छ।

डुबेर बेहोस भएका उनको कर्जन्हास्थित फुलकुमारी मेमोरियल अस्पतालमा उपचारको क्रममा मृत्यु भएको हो।

यसैगरी जिल्लाकै औरही गाउँपालिका ५ मा रहेको सार्वजनिक पोखरीमा डुबेर स्थानीय सजिबुल खानकी ३ वर्षिया छोरी  अलिया खातुनको मंगलबार अपरान्ह मृत्यु भएको छ।

नुहाउने क्रममा पोखरीमा डुबेर बेहोस भएकी उनको प्रादेशिक अस्पताल सिराहामा उपचारको क्रममा मृत्यु भएको प्रहरीको भनाईय रहेको छ।

दुवै घटनाका सम्बन्धमा प्रहरीले आवश्यक अनुसन्धान गरिरहेको छ।