सन्तान प्राप्तीको बहनामा लाखौको ठगी गर्ने धामी पक्राउ

• असोज ४, २०८१ | ६९० पटक पढिएको | सीमा संदेश

सिरहा । महिलाहरुलाई अन्धविसवास तथा सन्तान दिने प्रलोभनमा लाखौ ठगी गरेको भन्दै सिरहाको धनगढीमाई नगरपालिका वडा नं.५ गोठ चौकमा आज स्थानिय झाँक्री (धामी)लाई ईलाका प्रहरी कार्यालय धनगढीले पक्राउ गरेका छन् ।

गोठ चौकमा घरभई बस्दै आएका दुखी ठाकुर धामीलाई प्रहरीले पक्राउ गरेका छन् । सिरहा,धनुषा,महोत्तरी,सर्लाही लगायत भारतका दजर्नौ महिलाहरुलाई दैविक शक्तिले सन्तान दिने भनी प्रति ब्यक्ति १६ हजार रुपैया लिई टुना मुना गरेको पिडित महिलाहरुले बताए ।

पिडित महिलालाई एक प्रकारको औषधी खुवाई बच्चा दिन्छु भन्दै ठगेका हुन् । बच्चा दिने बहनामा डाक्टर कहाँ चेक गराउछौ भने बच्चा पेटबाटै गयाब हुने जस्ता डरहरु देखाई कति महिला क्यान्सरका सिकार समेत भएका छन् । सिरहा जिल्ला लागयत विभिन्न स्थानमा रहेका सयौ महिलालाई ठगेका हुन ।