महिलाको पहिचान खुल्यो, पतिपत्नी पक्राउ

• कार्तिक १५, २०८१ | ४०५ पटक पढिएको | सीमा संदेश

महोत्तरी जिल्लाको पिपरा गाउँपालिकाको वडा नम्बर ७ दनौलीमा फेला परेको मृतका महिलाको पहिचान खुलेको छ ।

धनुषा जिल्लाको शहीदनगर यदुकूहा नगरपालिका वडा नम्बर ७ निमुवा टोल माइती भएकी मालती मण्डलको हत्या भएको जिल्ला प्रहरी कार्यालय महोत्तरी स्रोतले जनाएको छ ।

हत्या अभियोगमा महोत्तरी जिल्लाको मटिहानी नगरपालिका वडा नम्बर ५ बस्ने राकेश नायक र उनकी पत्नी रिना देवीलाई प्रहरीले बुधवार पक्राउ गरेको छ । नायक र रिना मिलेर मालतीको हत्या गरेको प्रहरीले जनाएको छ । निसन्तान नायक दम्पतीले मालतीको हत्या गरेको प्रहरी अनुसन्धानबाट खुलेको छ ।

राकेश नायकले मालती मण्डलसित केहि महिनादेखि लिभिंइ टु गेदरमा थिए ।तर उनीहरुबीच कहिलेकाहीँ झैझगडा हुने गरेको थियो ।झेझलगडा हुने र फेरी सुलह हुने गरेपछि सोमवार राती २ बजे मालतीलाई पिपरा गाउँपालिकाको दनौलीमा रहेको आँपको बगैँचामा लगेर हत्या गरिएको प्रहरीले जनाएको छ ।

मालतीले लगाएकी सलले उनको घाँटी थिचेर हत्या गरी त्यै साल अनुहारमा राखेर आगो लगाइएको प्रहरीको अनुसन्धानबाट देखिएको छ ।मृतक महिलाको पहिचान लुकाउन अनुहारमा सल राखेर आगो लगाएको बताइएको छ । प्रारम्भिक वयानमा रमेश नायक र रिना देवीले हत्या गरेको स्विकारेको प्रहरी स्रोतले जनाएको छ

।सन्तानका लागि मालतीसित बिहा गर्न चाहेको नायकले सम्बन्धमा विवाद बढेपछि हत्या गरेको बताइएको छ । शवको सनाखत हुन नसकेको कारण पोष्टमार्टम समेत हुन सकेको थिएन् ।शव प्रादेशिक अस्पताल जनकपुरधाममा राखिएको छ ।पहिचान खुलिसकेपछि मृतकका परिजनलाई शव जिम्मा लगाइएने प्रहरीले तयारी गरेको छ ।