डा. ओममूर्ति अनिललाई पैतृक गाउँको मोह

• कार्तिक २५, २०८१ | ५०५ पटक पढिएको | सीमा संदेश

मुटुरोग विशेषज्ञ डा. ओममूर्ति अनिल प्रत्येक वर्ष छठ पर्वको बखत जन्मथलोका लागि केही गरौँ भन्ने मनसायले प्रेरित हुन्छन् । उनले संसारको जुनसुकै ठाउँमा पुगे पनि, जस्तोसुकै पेशा व्यवसायमा संलग्न रहे पनि आफ्नो गाउँ, जन्मस्थान र पृष्ठभूमिलाई भुल्न नहुने बताउँछन् ।

महोत्तरीको धमौरामा शनिबार बुबा तेजनारायण सिंहको दोस्रो वार्षिक पुण्यतिथिका अवसरमा आयोजित स्मृति सभामा बोल्दै डा. अनिलले अध्ययन र पेशाकर्मका कारण सन्तानहरू शहर केन्द्रित हुन थालेपछि धेरैको गाउँसँगको सम्बन्ध टुटेको बताए । आफूहरु पनि पढाइ र कामको सिलसिलामा शहरमा बस्न थालेपछि बुबाले गाउँमा घर बनाउन सुझाव दिएको उनले स्मरण गरे ।